من ميت سنه او اكتر
وشجرة التوت واقفه
قدام باب بيتنا القديم
خايفه من الشتا
من سقعته
من اسوته
من دمعته
ورق التوت من رقته
وقع من عالعيدان عالأرض
واتغيرت سحنته
بكت شجرة التوت عالورق
اللى واقع من فروعها
وطبطبت عليه ولمته
لقت الورق دبلان
من برد الشتا زعلان
وبيترعش من ليل الشتا
وعتمته....
حس الدوود اللى نايم فى
الشرانق بالحزن وهو فى
خلوته نسج التوب الحرير
للورق يمكن تعود بسمته
كل دا وانا واقف ورا شيش
شباك بيتنا القديم
بتفرج على فعل الشتا
مع شجرة التوت اللى واقفه قدام باب بيتنا
القديم من ميت سنه او
اكتر....
وبستغرب عشان واقفه
لا عودها انتنى ولا أتكسر
كلمات
د/عادل رفاعى
(د/عادل رفاعى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.