علاش وعلاش
علاش يا بنادم زايد غير فالزلة
علاش ما خليتي خيط لمحبة يدلى
ما خليتي الخاوة تطل علينا طلة
روم المعقول يا بنادم
راه لعداوة ما تخوي جيب ما تعمر سلة
كنت حاسبك رحمة وتكون غطايا
كنت حاسبك طبيب وتكون دوايا
لقيتك علة وراكباها علة
كنتي همة وشان
اليوم طحتي بين الرجلين وليتي رواية
تابعني كيف الزمان ديما غادي وراي
لبستي جلابة النفاق
وليتي لا دين لا ملة
من طغاوتك وعنادك
اليوم هزيت الراية
كل نهار نلقاك لابس حلة
علاش يا بنادم وعلاش
علاش سمحتي فالمعقول
وفضلتي تعيش فالمذلة
توفيق بومدين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.