بليتشو مصالح نفسه
وعارف أنه بليتشو
بيدوس عل خوفه ويأسه
وبيضحك كل الناس
أنسان فنان حساس
خافى ملامحه بأللوان
ودموعه لما بتنزل
بيشوفها هو لوحده
والحزن لما بيخدوه
بيضحك والناس وياه
مش شايفين أيه جواه
وأكمنه مصالح نفسه
الناس كلها بتحبه
بس محدش سأله
دموعه بتنزل ليه
ولا حد قرب منه
يمسح له دمع عنيه
شايفين الضحكه سعاده
وأحنا كمان ياساده
ساعات نبقى البليتشو
بس ناقصنا اللوانه
وناقصنا ملابسه
وناقصنا نتسمى بأسمه
#البليتشو كلمات الشاعرمحمد على خالد#
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.