......هعيش أزاى
وقلبي م الوجع غارق
فى بحر الشوق ومش فارق
ولا عارف لموجه طريق
ساعات الموجه بتاخدني
تطوحني وتعلي لفوق
فى نفس الوقت وخداني
وشداني لشط جريح
رماله شوك.... تملي الحلم
فيه نازف ....وأنا عازف
وأوتاري ساعات تقوي
وأحس بحرفي أنا أقوي
فى نفس اللحظه أوتاري
...بتعزف نغمه حيرانه
...حزينه بجد شقيانه
.......هعيش أزاى
وكل ما فيا..........بيعاني
دموعي بتكوي ف كياني
جدار الدار لو ....أتكلم
هيحكي ويبكي ويعلم
ولونه البني ....يتحول
ويصبح صخرة بهتانه
طوبتها تملي.......زعلانه
وبايشه من بكي عيني
......هعيش أزاي
طب أسأل حتي شجرتنا
كتير فى الحزن شاركتنا
فروعها كات بتحميني
وبطبطب.... تخليني
أحس براحه وكأني
سمعت بصوتها بتقولي
حرام الجرح ...ينهيكي
يخليكي..........بتتلاشي
وأنا ماشي ومش شايف
........ولا عارف
كتير خايف من الأيام
بتتحول....... وتتجمل
وتتكي وأنا أتحمل
ومش عارف هعيش أزاي
........هعيش أزاي
بقيت فى الحس متبلد
وأفكاري ...... بتتجمد
أمالي حسسها بتهنج
ربيعها كأنه متبنج
فؤادها تاه ف عنواني
وأنا التاني نسيت
بالجرح ....بستاني
صبحت في لحظة
أنا الجاني !!!
أنا الجاني!!!!!
........هعيش أزاي
وأنا اللي الدنيا ظلماني
بأحس بكل أحزاني
بتتملك في وجداني
وتتمدد فى أركاني
وتتمادي فى أوطاني
.....هعيش أزاي
يا كل طريق أنا مشيته
يا خطوة ندمت ما نسيته
وخليته علي الهامش
فراغه بجد مًاليته
دا بركانه...... مزلزلني
حاولت أهزمني والزمني
...أطفي ناري وأداري
وأتبسم ...فى موالي
.....وأتعايش
منش عايش هعيش أزاي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.