آه يا قلبي.......Hoda_Elnhhas

.....آه يا قلبي
ياللي ناوي ع الرحيل
ليه بتبعد وأنت حافر
حفرة طولها ألف ميل
لسه عايش ع الغناوي
لسه ناوي تِصَحٍي غاوي
لسه حلمك شاب هاوي
شوقه داب ويا القمر
ألف آاااااه وياك يا قلبي
طالعه تصرخ غاويه تبكي
كنتٍ حاضنه كل فكري
.....كنتٍ ملكي
كنتٍ عايشه بين عيوني
كنتٍ ف سكوني وجنوني
كنتٍ أجمل آه ف كوني
عشتٍ ويايا في حكايتي
من حنين القلب دوقتي
.....بس خونتي
آه وهونتي 😥
مسلمه لحكم ....القدر
......آه يا قلبي
لسه مطر الحب صافي
فى السما حاضن ودافي
ينزل القلب...... المجافي
يروي نبته.... من سنين
لفه بجذورها.... الحنين
قول يا قلبي لحد فين
تشكي بالاه ...الأنين
......آه يا قلبي
لسه حلم العمرصاحي
جوة عينه لامعه سارحه
عطرها فى النن فايحه
نفسه يبقي ما دمت باقي
.......آه يا قلبي
تفتكر تقدر تسافر !!!!
روح مهاجرة وقلب كافر
طول حياته عاش يعافر
يبني يحلم يروي عمرة
........بحب وافر
فى النهاية عاش وحيد
........جوة سرك
كل أدوارة....... عبيد
ألف آه من كل نوع
ماشيه ف سكه رجوع
دا لغرامه جوعت جوع
يلوي ف القلب بخشوع
قول يا قلبي قول كمان
فن شاعر...... بالهيام
فن يعزف ع الكمان
يغزل الشوق بالحنان
يرسم الليل قصر عالي
وف جنانه قلب غاوي
ينجرف من غير ملام
صمته عاشق للكلام
.......آاااه يا قلبي#

Hoda_Elnhhas