ا[نار الشوگ]ا
ا[نار الشوق]ا
شعر عارف شلش. الساعدي
عن بعد لمن اشوفچ
واذكر الصوتچ هویت
وافتح الحاسوب اعلق
انفرد والوحدي انزويت
روحي فرت اتريد يمچ
حاولت وشگد سعیت
وصدفه صارت من اجيتي
روحي ذابت وانتهيت
ياحلاتچ یاجمالچ شرد اوصفچ
اتعب اشما وصفیت
جیت اشبگچ ورحت احظنچ
والچ کل لحظه اشتهيت
الزمي جسمي وشوفي نار الشوگ بیه
مشتعل یمعوده اجیت
وردت اطفي من احظنچ
الغيرج انه مالگیت
شنهي هالطيبه الي عندچ
ابحث اشگد دوریت
شلون موعد ربي جابچ
انتي مني وانه منج مامشیت
ناري من يوم الولاده
تسعر ابگلبي امن اجيت
ردت أفرغ ظيمي كله
حتى احس منج رویت
وناري المشتعله تطفي
اولني ابناري انچویت
یالهیب الشوگ بیه
هیجیتي اشماحويت
شردتي مني اخذيني كلي
وگولي يمعوده اشتريت
ومااعوفچ لحظه وحده
احبيبه الچ ماني نسيت
وعن بعد لمن اشوفچ
واذكر الصوتچ هویت
ومن اشوفچ کلچ انتي
وصدگي يحبيبه هويت
%%%%%%%%%%%
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.