الخائن للدين والأوطان
(سيناريو وحوار لقصة لن تنتهى)
يكتبها. شحات خلف الله
*********
الشخصيات (ام محمود- ابومحمود- جندى- شهيد ).
المكان (منزل ريفى فقير جدا من الطوب اللبن )
الوقت (كل الاوقات ).
أم محمود: أيوه يا اللى عتنادى قوم يا ابو محمود افتح الباب واحد بيخبط يمكن جايب خبر من الأحباب
أبو محمود: مالك يا وليه بس ده لسه يا دوب ماشى من كام يوم لحقتي تشتاقى
ام محمود: يا قلبك يا فقرى مش عارفه ازاى جالك الصبر ده
ابو محمود: يا وليه ولدك ده اسد انا مربيه وسيد الرجال صعيدي ودمه نار وهوه بيدافع ف سيناء عن العم والخال
ام محمود: قلبي مقبوض عليه مش عارفه ليه يا ابومحمود الواد كان طالع وبيبوس ايدى ويقول ادعيلي ارجعلك قوام
ابو محمود : بطلى رغي وفقر خليني اشوف مين ع الباب
ام محمود: يا رب خير وسلام وترجعلى يا ضى عيني بسلام
~~~~~~
اتفتح الباب على نعش محمود وزمايله رؤسهم فى الأرض والسواد ع الوجوه عنوان
ابومحمود: لا لا لا ابني ده يا ولدي امانه عليك قول قواام
جندي عيونه بتتكلم: ابنك شهيد يا خاااال
ام محمود - من ورا الباب
سجدت وبتقول ( حسبي الله ونعم الوكيل)
يا ضنايا يا ولدى دمك فى رقبة كل اللى خان
أبو محمود: ولدى يا ابني طلقة الغدر كانت من ورا ولا من قدام
جندى: فى صدرة والله يا خال
ابو محمود: الحمد لله رباية رجال وغدر جبان يلا يا ولدى دفن الكرام ما يحتاج صوان واحتفال وحسبي الله ونعم الوكيل فى اللى خان
"" "" "" "" ""
رحم الله شهداء الوطن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.