نفسي ارجع زي زمان
العب اشخبط ب الالوان
و العب و امسح عرقي ف كمي
و يروح مني تعبي و همي ...
و انام تاني علي حجر امي
و امي تقولي هتجيبلي جنان
*********************
نفسي انا ارجع عيل تاني ....
و امي تقولي ادخل ذاكر .....
و اقعد اعيد و اسمع ف اغاني ...
وايه اللي ذاكرته انا مش فاكر
و لما ابويا يسأل عني ....
و يقول فين ابنك بسلامته ....
ساعتها بحس نفسي كأني ...
واحد بعد دقيقه قيامته ...
و ريحه الشارع يوم الجمعه ....
و الشعراوي و التفاسير ......
و لا فانوس رمضان ابو شمعه ....
و فطوطه و الفوازير ...
ولا اصحابي و هيصه اخويا ....
و يا سلام بقي وقت الماتشات ........
و امي لما تنادي لابويا ......
و تقول لأ.. مفيش خروجات ....
و اول حب و اول شوق ....
و اول ليله من غير نوم ....
و لما روحت البحر بطوق ....
مكونتش لسه بعرف اعوم ..
و منير لما كان بيغني .....
و عمرو لما قال ميال ....
و ايهاب لما غني اكمني ..
و حميد ياما ف الشوق قال ...
سيد صادق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.