اه منك يا دنيا
الدنيا اصبحت اليوم كلها الغاز
ما تعرف مين كسب ومين فاز
وصارت الديابه من فصيلة المعيز
واترسمت الهيافه على الصدور تطريز
البنات ماشين عرايه يتحرقو بجاز
والولاد مركبين فى وسطهم هزاز
والحرمى فى موكبه شريف وعزيز
والبيه قاعد على مكتبه زى الكوز
اصل الكرش اتملا واصبح بروز
والحرام طعمه حلو وكمان لذيذ
والفقير يقرقش الفول ويقول لوز
والكل قلبه اتكسر وكانه قزاز
ولو عدى يوم بخير يكون انجاز
تعرفوا تجيبوا جواب للالغاز
ولا حضرتك ساكت وضارب بوز
وصارت الالوان كلها لون الروز
وتمشى حافى وتحت باطك الشوز
يا ريت حيتنا نعيشها بعتزاز
من غير ضغوط علينا ولا ابتزاز
نفسنا نعيش عيشة الانجليز
هل يا ناس بينا ممكن ويجوز؟
محمد الصيرفى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.