شمة هوى تاني
طلعت بنص الليل لتشم الهوى
وقفت على البلكون داعبها الهوى
شعشع سناها البدر لعندا هوى
قبل إيديها وراح فكر بالغياب
طلعت بقدا تميس لتزيد الغوى
ترد النظر لعيون كحلها العمى
تصحي نسايم لونها لون السما
ويسود حسنا لا ملام ولا عتاب
طلعت لتبدي من صباها ما بدا
يمكن ع بالا تنال لو قلب العدا
تقلك بصوتا همس ما متلي حدا
يسعد قلوب الحب لو عانت عذاب
طلعت لتترك المحاسن قافلة
حور وعذارى والكوامن غافلة
داري هواها ونار روحا الحافلة
لاثجرح ورود الحقيقة بالحراب
طلعت لحتى يغار من حسنا القمر
وينفض غبار الليل عن ليلة سمر
يبقى الفجر عصفور عانى من الأسر
ينده صباح الخير يا كروم العنب
طلعت ليوصل صوتها حدود المدا
ويرجع صدا الصوت صوت بلا صدا
يلملم قلوب وغارقة بليلة ندا
ويقول عتم الليل عنوان الكتاب
حتى إذا ما يوم شي عابر سبيل
حاول ع كرم اللوز يتجاوز يميل
يلاقي الهوى انسام تشفي الغليل
حمل ديون الروح ليوم الحساب
ناصيف شرباجي
سوريا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.