.....هديتي لحبك ......
عدي الليالي إللي كانت
وأيام عمرنا إللي فاتت
عدي سنين كل العاشقين
وكل كلمة ف الهوي إتقالت
هتلاقيني ليكي كتبتها
وكل مرة قابلتك قلتها
ياحب عمره ما انتهي
مهما السنين عدت وفاتت
موال في الحب إنتي
يفضل مهما غيبتي
وف وسط الغناوي كنتي
كلمة ف كل سطر إتعادت
صورتك في قلب القمر
إسمك في غنوة سهر
صوتك لحن فيها ووتر
وبعدك حلاوة الليالي زالت
في حبك حلوة حياتي كلها
ف حبك حلوة كل كلمة قلتها
ف حبك حلوة كل لحظة عشتها
ف حبك حلوة أيامي إللي كانت
حلو الأمل لما أشوفه ف عينيكي
وإحساسي لما بتلمسني إيديكي
ولما أشوف كل أحلامي فيكي
ولما شفايفي ف شفايفك دابت
حلوة الحياه لما أعيشها جنبك
حلوة الليالي لما يدفيني حضنك
حلو صوتي لما يغني بإسمك
غنوة بيها كل القلوب عاشت
ياحلم عشته ولسة منتهاش
ياحب عمري كله وياه عاش
يارحلة راح قلبي فيها ومجاش
ياكل فرحة جاية وفرحة كانت
هديتي لحبك زمن فاكر هواكي
لسة فرحة أحلامه عايشة معاكي
هديتي قلب قال محال أنساكي
تغيب الشمس وشمس حبك ما غابت
......
أيمن بلال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.