أتواعدنا نبقي واحد
أتواعدنا تكوني همسي
تبقى حاضر تبقي أمسي
حبل الشوق يبقى طوق
ينور حياتي زى شمسي
و أتواعدنا نبقي واحد
وتبقي روحي وقت نوحي
وتبقي عيني لما عيني
تبكي
حب غصب عني
وتبقي حب
وتبقي ود
لما الشوق يسكن بقلبي
و أتواعدنا نبقي واحد
وتبقي دنيا
في كل ثانيه
ويبقي حبك حاجة تانية
شئ غريب لما تغيب
كأني عايش دنيا فانية
و أتواعدنا نبقي واحد
كلمه صعبه ع الشفايف
نفسي آآقولها وبردو خايف
ويعليَ صوتي فوق سكوتي
وآآقول لنفسي أكيد ده شايف
و أتواعدنا نبقي واحد
تبقي روحي لما تفرح
تبقي قلبي لما تجرح
تبقي نص بيك وبيا
تبقي قلبي ونور عنيا
و أتواعدنا نبقي واحد
تبقي انتى العقل والتفكير
تبقي انتى الضحكة والتكشير
ودايما تيجي علي بالي
ويطول السهر
والسهد يحلالي
وأعيش هواكي كأني ميت
وأموت فيكي بدون تخدير
أتواعدنا نبقي واحد
وتبقي معايا ليل ونهار
وصوتك فرحة بتملأ الدار
وأمسك ريشتي أرسم صورتك
تتوه أفكاري وتطول أعذاري
أزاي أرسم ملاك
مجرد لوحه جوه جدار
و أتواعدنا نبقي واحد
يبقي يومك هو يومي
تبقي ريحتك بين هدومي
ولما أزعل القيكي جنبي
وأحكي واشكيلك همومي
أتواعدنا نبقي واحد
قلبي لسه فى انتظارك
لسه سامع صوت هزارك
صورتك لسه فى المرايا
يوحشني صوتك وانتي معايا
والملخص فى النهايه
انتى الفرحة من البداية
وأتواعدنا نبقي واحد
وليد الصفتي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.