أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الثلاثاء، 17 يناير 2017

الحلوه حبيبتي مخاصماني بقلم الشاعر عادل سيف

الحلوه حبيبتي مخاصماني
بتعدي علي قصايدي تطنش
ونشرت قصايدي من تاني
واسالها تقول برضو مشفتش
طب حتي فهميني
يللي انتي نور سنيني
من الحيرة وارحميني
ده بقالي يومين ما كلتش
الحلوة حبيبتي مخاصماني
بتعدي علي قصايدي تطنش
................................
يا عالم فهموها
من غيرها عايش ف توهه
والفرح مخاصمني
اصحي وأصبح عليها
واحشاني يا ناس عينيها
طب ليه بتظلمني
وحاولوا تقولوا ليها
واحشاني كتير عينيها
ونفسي اسلم عليها
وبرن كتيير عليها
بتقوللي مسمعتش
الحلوة حبيبتي مخاصماني
بتعدي علي قصايدي تطنش

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.