( شكرا لحضرتك)كلمات/صبري حسين
هاافضل لأمتي
خايف اكلمك
من بعيد ابصلك
مش قادر اوصلك
علي كل ردودك
شكرا لحضرتك
ربنا يسعدك
مع اني جوايا
كلام كتير
نفسه يخرج ويطير
ويحلق في سماكي
قلبي نفسه يسمعك
نفسي انط من الشاشة
نفسي تشوفي عيوني
وانا بكلمك
اوعي تفتكري انك بعيدة
انا وبكلمك بتكوني قصادي
شايفك بعيني
حاسس كل انفعالاتك
سامعك
حاسك
شايفك
لا مش مجرد خيال
ولا مجرد خاطرة علي البال
ولا حلم من الاحلام
انتي معايا في اليقظة والمنام
بنتكلم وبسمع كلامك
نفسي تسمعيني
وتقري اللي في عيني
ياليت تدخلي قلبي
وتعرفي مكانك فيه
انا محتار من قلبي
ازاي قدرتي تخطفيه
انا بقيت مش عارف هو قلبي ولا قلبك
خلاص انتي ملكتيه
مع كل. ده
خايف اقرب
من الكلام مرعوب
كل اللي بعمله
اكتب كل يوم مكتوب
هافضل لامتي اخبي
يا طول عذابك يا قلبي
بتحب ولازم تخبي
ارضي بحالك يا قلبي
خليك علي صمتك
حب علي اوراقك
اكتب نفس ردودك
الاروع اعجاب حضرتك
ربنا يسعدك ويفرح قلبك
خليك ناسي نفسك
خليك كاتم حبك
خليك خانق مشاعرك
حلمك بيبعد منك
حتى الخيال مش حقك
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.