خريف العمر ... للشاعر رضا رضوان
خـريــف العـــمـــر بيـخــبــط
وأنــا مســنـود عــلى بــــــابى
وفــاكــــر إنــى باتــشعـبــــــــــط
وبألــعــــب ويــا أصحــــــابى
لقــيت القـطــــــــر بيفـــضـــى
وأنــــا العـــابـــــد بمحـــــرابى
أصــلِى السُــنــة أو فــرضــــى
وأنــا العـــاشـــق لأحــبــــــــابى
خـــريـــــف العمـــــر بيخبــــــط
عـــلى بـــابــى ومـسـتعجــــل
وأنــا شـــايــف شـــريط عمـرى
بكـــل حروفــــــه متسجـــــــل
وعــــــدى العــمـــــــــر أدامــى
ومحـــروق م الهمـــــــوم دمـــى
وأحـــــــلامــى عــــلى كــفــى
جُــثـث مخــنــوقـــة من هـمـى
خــريف العـمـــــر أنـا جــاهــــز
ومسـتـنـيـــك ومــتــــــوضــى
ومــش خــــايف عــلى عـمــرى
وأنـــا المــدفــــون عـلى أرضـى
مــا انـــا اللحظــة اللى بتعــديش
وانا الصرخة اللى زييى ما فيش
وأنا عـــأيــــش ومش عـــايــش
وحـتـى الحـــلـــم فـيـــك ما ليش
خـــريــف العــمـــر مـن صغرى
وأنـــا شــــايـفــك مــــلازمـنى
و لمــــا الليـــــــل يـعــــانـدنى
آلاف الآه تســــــاومـــــنــى
خــريــــف العــمــــر أنا جاي لك
ومسـتـســـلم ومــش نـدمـــان
ومــش خـــايف عــلى حــــاجـة
مـا أنـــا عــايـش بـدون عـنـوان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.