حاسس بيك بقلم الشاعر ناصر عطامحمد

. *** حاسس بيك *** ...

تلاوع فى الغرام قلبي ..

وحاسس بيك

تحاول تقسى ياحنين ..

وأنا فى عنيك

تخبي والهوى توبك ..

مقاس كديك

شوقك هو مكتوبك ..

وقاسي عليك

خلاص .. 

خليك بعيد أحسن ..

وشوف بعنيك

كبف القلب يتقطع ..

مع الشبابيك

مين يستنى للقمرة ..

هناك زييك

ومين يبعت مراسيله ..

تمسي عليك

هوايا ليك .. لكن عايز ..

لقلبي سلام

وعايز كلمة تبقى لي ..

سند قدام

ولما ينحني قلبي ..

يعيش أحلام

اانا عايزك تواعدني ..

وعيني عليك

خايف لو تعاندني ..

أضيع بعديك

أشوفك .. لو تعاتبني ..

تخبي عنيك

سلامي ليك .. على قلبك

سلامي ليك .. على حبك

سلامي ليك .. على عندك

ولاعايز .. غرام بعدك

كفاية عنيك

بقلمي .. الشاعر ناصر عطامحمد

بقلمي .. Nasser Atta