قصيدة ياصاحبي
***************
ياصاحبـــــــي ليه تخون
بعد ما آمنتك علي ســري
ومشيت ورا الملــــعون
ونسيت إن دمك في دمي
**************
يا صاحبي فين العهود
اللبن اصبح رايـــــب
والندل دايما حســــود
والوعي عنده غايــب
***************
ياصاحبي افتكرتك صاحـب
واتباهي بيك واتفاخر
ياريت لفعلك تراقـب
وتكون حامد وشاكر
***************
ياصاحبي الدنيا فانيه
والباقي الكلام الطيب
وكله بالحساب والثانيه
ياخوفي عليك تتعيب
**************
ياصاحبـي انزع القنـاع
ملامحك كلها مكشوفة
بلاش التمثيل والخـداع
والصراخ لعبة معروفة
***************
ياصاحبي اصحي واتغير
وبلاش مكر الثعالـــب
الدنيا كلها بتتغيـــــــــــر
ليه الطبع عليك غالـــــب
****************
بسيوني صديق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.