عصبة الأمم
من ديوان / اللقيطة
للشاعر / مصطفى فريد
لسه مآنش الأوان
يخرج الخوف الجبان
من حلمكم
حقكم بيقول لكم
حلكم فى صفكم
إيه رأيكم تتجمعوا
تعملوا قاعدة عرب
وبلاش تثوروا وتهتفوا
وبلاش كمان يفلت زمامكم
أو تشتكوا لعصبة أممكم
إللى ياما ضيعت احلام ولادكم
أهدته لأس الفساد
القرار الأممى أصبح
حلقة فى إيدين الموساد
يعنى مهما تنددوا
أو تشجبوا
أو تلعنوا أبو خاش أبوه
هو إللى ماسك دفته
هو إللى سايق
عصبة الأمم الكفيفة
بلغوا الغرب الضرير
إللى نايم فى العسل
يعلنوا إعدام ضميرهم
يشربوا الإرهاب صنيعهم
القتيل لو مره منهم
ينسبوا الإرهاب لمسلم
وإللى مات منهم برئ
وإللى أيد ٠٠٠
وإللى مول ٠٠
وإللى خطط للدنئ
هما دول المؤمنين
آه يا عصبة مكفوفين
وإللى ماتوا فى الشيشان ؟
وإللى ماتوا فى غزة ؟
أو صبرة وشاتيلا ؟
وإللى ماتوا فى دير ياسين ؟
كلهم دول ملحدين ؟
كلهم مش أبرياء ؟
ألف غارة هدمت حضن البيوت
شردت آلاف عرايا. من صبايا
من نساء حتى الشيوخ
وإللى نجا من حقدكم. قرب يموت
طول عمركم. بتكيلوا بالمكيالين
يعنى الموساد
طول عمره يرهب فى العباد
وكأنكم مش موجودين
ولما يسكن عندكم.
إرهاب بإيدكم غذتوه
تزرفوا الدمع ابتلاء
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.