زي النهارده

 زي النهارده

زي النهارده كان ميلادي

والخلق شاهدة دي بلادي

أي مزايدة تبقى مكايدة

ومافي فايدة خسران البادي

فتحت عيني لقيت حنيني

سبق سنيني وصدرك وسادي

برغم المناهدة بالدنيا المعاندة

لساني ياجامدة بحبك شادي

الشوق مليني ولو إنه كاويني

ملهوف ياعيني وحضنك مرادي

المحبة زايدة والنار قايدة

ولو إنت رايدة يدللك فؤادي

مهما تنسيني هاأفضل على ديني

ماهوإنت تكويني وطينك رمادي

إنت المعايدة وبكرة عايدة

مادومتي صامدة بوجه الأعادي

يارب تحيبني وأشوفها بساتيني

وأوصفها بدواويني ولو دمي مدادي

يبقى النهاردة أكيد ميلادي

والدنيا شاهدة دي أمي وميعادي

ومهما تساهيني همومي وسنيني

برضه ماتلهيني بإسمك بأنادي

وأي مزايدة مامنها فايدة

مادومتي رايدة إبنك يابلادي

عرض الرؤى

معدل وصول المنشور: ١١

١صبري عطوه خليل