يلا نضحك بقلمي \ رمضان عبدالله احمد

 يلا نضحك

يلا نضحك... وياريتنا نقدر

نشيل شويه من الهموم

تعالى يلا...ومش بهزر

ياريت تجيني.... وكل يوم

نفسي انسى كل اللي بيا

واعيش في حاله م الليله ديه

ياريت تاخدني لدنيا تانيه

يلا بسرعة عايزين في ثانيه

ننسي اللى فينا..نفرح شويه

تعالى خدني وسط الجناين

واتمشي بيا وسط الزهور

والضحك منا راح يبقي باين

ونشوف ساعتها فرح الطيور

وايديا تروح لايديك

وعنيا تيجي ف عنيك

تميل الاغصان عليك

تبقي حياتنا فرحة وسرور

نعيش ساعات ماتتنسيش

اوعاك تقولي ماتصورنيش

يلا خدلي معاك كام صورة

شيلهم حتى جوة النيش

********

بقلمي/رمضان عبدالله احمد

عرض الرؤى

معدل وصول المنشور: ٦٠

٥سماح الحنفي، دنيا سعد و٣ أشخاص آخرين

٩ تعليقات

أعجبني

تعليق