قريه مصريه ؛؛؛؛؛؛ على عبدالرحيم محمد

قريه مصريه
؛؛؛؛؛؛ ؛؛؛؛؛؛؛؛؛؛؛؛؛
قريه مصريه بنهو السوهاجيه
مدد يا أبوالقاسم مدينتنا طهطاويه
لسه السواقي حاضنه الغيطان
لسه الغناوي زارعه الحنان
لسه الحكاوي حارسه الامان
والرمش اللي بيجرح ويداوي
عايش ف عيون الصبيه
ومهما يتغير الزمان
الأصاله والكرامه واللهجه هيه هيه
قريه مصريه بنهو السوهاجيه
بلد جدتي هنومه ملامح البدر وصوت سومه
قلت لها نفسي ف عيشك الشمسي
قبل شمسك ماتسيبني وتمشي
حمت الفرن من عفش الجرن
واكلتني عيش حواوشي ميه ميه
مدد يا أبوالقاسم مدينتنا طهطاويه
قريه مصريه بنهو السوهاجيه
بلد امى يا قلبي يا امي
ياللي كنتي دواء جروحي وهمي
لساكي عايشه ف دمي
يا أرض الطيبه والحنيه
على مصطبتها
كانت قاعده بطرحتها
تصب وتسقي من حنيتها
طبعها هادي وروحها ايه وتقيه
مدد يا أبوالقاسم مدينتنا طهطاويه
قريه مصريه بنهو السوهاجيه
ابويا يادمي اللي ف وريدي
يا فرحة طفولتي ف عيدي
ياللي كنت سند ايامي
مع ان كان طبعك حامي
بس لما كنت تحس بألامي
ترغرغ عنيك بحور حنيه
مدد يا أبوالقاسم مدينتنا طهطاوبه
قريه مصريه بنهو السوهاجيه
كلمات على عبدالرحيم محمد