(بنت الجيران )
عدت عليا
ورمت السلام
كنت جالس
لقيتنى قيام
من شدة جمالها
صاب عينى الغمام
حل الضياء
وانصرف الظلام
صابنى الزهول
وهرب الكلام
من شدة جمالها
جانى هيام
لقيتها حقيقه
ماهيش منام
زاد نبض قلبى
وقالى حرام
ارحمنى ودق
باب الوصال
سحر عنيها
يحرك جبال
يخلى الأسير
يفك الحبال
سبحان من صور
هذا الجمال
دارت ولفت
وقالت سلام
ساعتها عرقت
ونطق اللسان
من نظرة عنيكى
صابتنى السهام
نموت ويكون لى
فى قلبك مكان
قالتلى إبعد عن
ركب الغرام
نارة بتكوى
وبتقتل كمان
جانى دوار
لما شفت السنان
وصابنى الجنان
من نغم الكلام
الخد وردى
والشفة رمان
والحاجب فى رسمة
رسم فنان
ومسكت نفسى
وخشيت الملام
اسكت ياقلبى
بلاش الغرام
دابحرة غريق
وصدق اللى قال
سبلت عنيها
وقالت سلام
زعل منى قلبى
وبعت مرسال
قالت تعالى انت
المنى وانت المنال
مكانك فى قلبى
ونسك البيبان
هازز مشاعرى
بقالك زمان
معاك انت بس
نحس بأمان
وحتى لعمرى
مسكت الزمام
قربك سكن
وفية الحنان
وعقلى فى بعدك
ع يصيبة الجنان
إرحم نبض قلبى
بعدك حرام
حياتى فى بعدك
عليها السلام
بقلم الفقير إلى الله
نبيل عبد الحليم
30/6/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.