((( ليه يا قلبى )))بقلم الشاعر .. محمد البريمى ..

شعر غنائى ..
((( ليه يا قلبى )))
ليه يا قلبى ساكت عليه .. و هو عمال يخدع فيك ..

عمره م كان يوم وياك .. كان تملى يكدب عليك ..

كام مره صعبت عليه .. ولا بكى بدمع عنيه ..

و إنت ديمآ مشغول بيه .. و ناسى اللى حواليك ..

ليه يا قلبى ..

ياما سقيته بإديك حنان .. و هو يسقيك مر و أسيه ..

الغدر دا مطبع بيه .. أصله م يعرفش الحنيه ..

إديته ياما حب و موده .. عملتله خدك مخده ..

خانك و سابك بلا رده .. مستنى إيه رد عليا ..

ليه يا قلبى ..

تملى ظالمينك حبايبك .. و برضه مآآمن لهم ..

م فكرتش يوم ترد عليهم .. ولا تقولهم ..

ليه كل ده يا أحباب .. هو ده عين الصواب ..

رد الجميل يكون بحساب .. خليك يا قلبى زيهم ..

ليه يا قلبى ..

ضيعت كتير من عمرك .. ع العشق و الغرام ..

خدت إيه من حبك .. إلا حزن و ألام ..

و حبيب مش سائل عنك .. ولا فاكر ذكرى منك ..

ده م يستهلش حبك .. خساره فيه الملام .. ..

ليه يا قلبى ..

بقلم الشاعر ..
محمد البريمى ..