قلة أصل
يا عم بتاكل من خيرنا وترمي العضم علينا
مالي جيوبك بفلوسنا وبنقول أهو مننا فينا
مطمرشي فيك حنيتنا طب إبعد بعيد عنينا
ياما كلنا طفحنا بطبق واحد وشاهدة إيدينا
دي قلة أصل ويا ريت تعرف أصول معانيها
مش بعايرك بس يا ريت من دمك تداويها
قلة الأصل لا طبع بس الغل والحقد حاميها
يا عم ارجع لأصلك ده إحنا الرب حامينا
شايل في قلبك سنين منينا وكأنك شارينا
لما جاتلك الفرصة بقيت تبيع وتشتري فينا
خسة و ندالة ورا بسمة وجوه وثقنا فيها
الي عنده قلة أصل يروح يدفن نفسه بيها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.