طاقة أمل
من ديوان / اللقيطة
للشاعر / مصطفى فريد
إياك يا دمع تسيل
مصر انكسر ليلها
طلع النهار وانكسى
ظهرت بشايرها
عايزك تشد الحيل
نار الدموع شيلها
هدي نبض القلوب
إفرح وغنى لها
ابنى إللى قدم حياته
على كف الوجع ليها
رضع قوة إيمانه
وشجاعة من نيلها
بدمه رسمها وطن
خريطة فوق صدرى
كان الأمل والرجا
فى الضلمة نور فجرى
عزى وضهرى وسندى
كان أغلى من بصرى
فتح لى طاقة أمل
من بعد طول صبرى
جانى اترمى فى حجرى
غطيته أنا بصدرى
بقيت ابوس فى ايديه
والبسمه لايقه عليه
والمسك من حواليه
هفهف كما البستان
سبحان جمال طلته
تحويشة أمان عمرى
ناعم نعومة الندى
ضيه على خدى
علم وفى المبتدى
خلانى اتكلم
إبنى الشهيد يوم صعد
للجنة بقى حصرى
شفيع بأمر الله
ماهو الشهيد مصرى
بالفطرة مؤمن بربه
منحه الإله مكرمه
سبحانه جل علاه
شفيع لناسه وأهله
سبعين منهم معاه
يارب اقبل دعايا
جاى لك وطالب رضاك
بادعى فى كل صلاة
ارزقنى طيب جيرته
اجعلنى من رعاياه
فى جنتك يا كريم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.