ما تخافيش
.......
ما تخافيش لو اغير عليكى
خافى لو بطلت اغير
ياللى كل الكون عينيكى
و انا ع العالم امير
......
رافضه تبقى كل حاجه
عاوزه تبقى اى حد
طب سيبى لى منى حاجه
بحري مش محتاج ل مد
وان زهق من موجى شطك
امسحى م الرمله خطك
و ان اخدنى الموج و حطك
اسمحى لى اموت اسير
ما تخافيش لو اغير عليكى
خافى لو أبطل اغير
......
قلبى فعلا جالى آسف
بعتذر لك عن غرامه
غير سماكى ماكانش شايف
و ف عينيكى حفظ كلامه
و ابتدى عمري الجديد
و انتى ليل رمشك وجود
اكتب الاحلام و اعيد
ليه نسى قلبك علامو ؟
توجعه اشواقى ليكى
و اما اغير يبدا خصامه!!
.......
عاطف عبد الحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.