البخيل
احمدالسعيدالفقى
بخيل
ومعذب نفسه
ومعذب أهله معاه
تلاقيه من شدة حرصه
شحيح حتى
فى قولة آااااااااه
دايما عاقد وشه
والتكشيرة تملى ملازماه
يضحك بحساب
ويحزن بحساب
ياكل ويشرب
برضه بحساب
حتى لما يتعب
الدوا بحساب
حتى الهوا بحساب
دى عيشة هباب
وعذاب فى عذاب
ولما تسأله عن الأسباب
تلاقيه لئيم قوى
ودحلاب
ومتعرفش إن كان
صادق ولا كداب
يجاوبك بكل غلاسة
زى بتوع السياسة
دى فطنة وكياسة
مش بس كلام والسلام
أنا دايما باصص لقدام
وعامل حساب الأيام
هو أنا لازم
أبعزق فلوسى
شمال ويمين
عشان أبقى كريم
وابن الأكرمين
هيفدنى بأيه كلام الناس
لما تضيع فلوسى
و أحتاس
ولا هى منظرة وخلاص
محدش منهم
هيسلفنى ولا مليم
وإن سلفنى
هعيش طول عمرى
فى ذل الدين
يقولوا عليا بخيل
ومعايا فلوس
أحسن مايقولوا ذليل
قليل البخت ومتعوس
آاكل طقة
وأجوع إتنين
أحسن ماآاكل بالدين
يامرحب بالبخل
يامرحبتين
أتارى البخل
ده شئ زين
أحسن من الطفاسة
وفراغة العين
وأهو الورثة
يلاقوا قرشين
أحسن مايكون
على أبوهم دين
احمدالسعيدالفقى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.