بشوف الدنيا م الخنقة
تزيد ف الضيق
واشوف نورها سهراية
ما ينجي غريق
والاقي الروح مفارقاني
وضيقة الحال ملحقاني
وعملاني انا الجاني
وف الاصل برئ
بلف ف دايرة من يومي
مسبتش فيها ولا نقرة
وبتحمل وبتصبر
واقول اكيد تروق بكره
وييجي بكره وكمان بكره
واتاري الصبر يدوب فكرة
فيها الشقا غير ملامحي
وهدها
يفيد بإيه نصبر كتير
والروح بتلقا وعدها
سطور كتير تنبض نكد
وحرفين تلاته سعدها
روح قلها ياروح
بلاها تصبري
مادام لقاها لربها
يوم سعدها
عجل يارب بعظيم
جلالك ردها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.