جرح في قلبي
طب مبروك الحب في قلبك
ابقى إدعيني في مره أجيك
أبعت ورد النور لحبايبك
وأهدي دموعي واهنيك
فاكر يعني عشان ح تسيبني
قلبي وراك حيقول لي شاريك
وأفضل كدا علي طول تتعبني
وادعي ل ربي في يوم يهديك
لا يا حبيبي انساني وصيبني
بسهم جراحك وانا احييك
وأبعت ورد واقول يا حاببني
شوفت دموعك جوه عنينك
ليه..
ليه بعذابك ده تكايدني
وقلبي كتير طول عمره شاريك
فاكر يعني عشان تبعدني
ترضى بغير ولا اهنيك ...؟
عادي
عادي ح هني واقول مبروك
حبك أصله دا كان مشكوك
ربطه في ضلع وكان مفكوك ..!
والمفروض ان انت تعيــبني ؟
فاكر يوم بعدك غلبني...
فاكر هجرك يبقي تاعبني
سهم الغدر في ايد بتصيبني ...!
وأخجل منك اقول مبروك ؟
لا يا حبيبي ميت مبروك
ابقى ادعيني في ليلة عرسك
قلبي حيفضل ديما حارسك
روحي ماعمرها تنسى هواك
وقت ما تفرح هاجي وأباركك
ميت مليون مبروك في هواك
بأهدي الورد وللي معاك
امسح دمعك وقت دعاك ...
لما حتمشي وتحتك شوك !
ياسر مهدي عمرو
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.