كل مرة تقولى بقلم الشاعر .. محمد البريمى

كل مرة تقولى ..

كل مرة تقولى جى .. لما الشوق ف قلبى داب ..

و أستناك على نور الضى .. و القمر عنى غاب ..

و يلومونى بنات الحى .. لما شعرى منى شاب ..

قولى أعمل إيه و ياك .. غلبنى الشوق ف هواك ..

قولى أحبك ولا أنساك .. قولى شيطان ولا ملاك ..

كل مرة تقولى جى ..

كل يوم أسأل عليك .. الندى و طير الصباح ..

يقوليلى صعب عليك .. شوفلك طبيب جراح ..

يمكن يعرف يداويك .. و يرجع اللى راح ..

روحت أسأل ورد الجناين .. لقيته دبل و بات حزين ..

حبيبى فين مش باين .. قالى كفايه شوق حنين ..

كل مرة تقولى جى ..

كل مرة تكسر قلبى .. لما توعدنى و ما تجيش ..

كان إيه بس زنبى .. قولى ولا تخبيش ..

لو فاكر لسى حبى .. عتاب بينا ما فيش ..

لو ليا معزة ف قلبك .. تعالى و إوفى الميعاد ..

أنا باقى عليك و بحبك .. و مسجل الميلاد ..

بقلم الشاعر .. محمد البريمى.