صحيح انتهت المسرحيه
وانتهي دورك باقتدار
وخلصت فصول الروايه
بس صدقيني بدون مااحلف
مش هي دي النهايه
انا لسه دوري جي جي
انت نسيت لحظه
انا اللي كتبت الروايه
واناالوحيد اللي عارف
ازاي تتكتب النهايه
------------------------
انت دورك كان....
تصدقي نسيت دورك
كان غرام ولاانتقام
كان عذاب لازم ندوقه
ولا انت واخده علي الظلام
متعرفيش تعيشي في نور
كل احاسيسك كلام
ده بكام
تدفع كام
اهو اي عك والسلام
بتقولي ضعف
هو يعني الضعف
مينفعش الا بالخيانه
ولا لحظه ضعف
تصبيره واي كلام في كلام
اضعفي علي قد ماتقدري
وحاولي تنامي لو تقدري
اصل انت واخده تكسري
قلب الغلام
والله مهتقدري كسر الغلام
ولايمكن حتي تتصوري
شوفي بقي الصوره بكام
لسه مكتبتش نهايتك
ولما اعرف اواي اكون
وازاي زيك ممكن اخون
هكتب نهايه
بس هتصدقي لو قلتلك
انك مت جوايا
وزي مانقشتك حروف
وزي ماطلعتك من بطن خوف
هكتبك اصعب نهايه
احمد عبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.