فرحانه بحضن وبوسه وبوكيه ورد.
واديكي فرجتي عليكي طوب الارض.
ابوكي حزين طافح الكوته وده الرد.
فين التربيه افهمي معني العرض.
حبيبه اوي العيال ورومانسين وكلهم ود.
ادي اخرة مسلسلات التركي وتصدير الهند.
كلهم نور ومهند يا ادي الهنا والسعد.
فين اخلاقنا يا ناس والله الطم عالخد.
ملعونه الحريه سوا للبنت او الولد.
والحلو ابو جينز ولابس حظاظة يد.
روح ساعد ابوك في الغيط وللمطلق سد.
لسه شحط وبتاخد عرقه ولجيبه بتمد.
تامر حسني ياولا بتعرف تشترى ورد.
فارس الاحلام بسلامتك روح اتنيل واتهد.
استني اختك جايه هناك ومعاه حد.
طنش بقا وديث عشانك سبور بجد.
اهاليكم ربت جسم لعين الشمس يسد.
بس اخلاق ودين السمع عنهم خلاص اتصد.
ربي اغفر وارحم النخوة خلاص والشرف اتهد.
كلماتي/محمد احمد مندور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.