(معمولى عمل) عن لسان انثى
..........................شعر/حسن كريم
شافنى وشوفته وراح قايم
وقال ..يا نصيب..........
ضحكت وقلت فى نفسى
يا اما هو ما شايفشى
ينا اللى ..جوه منى العيب
لا ساب حلوانه جاره منى
شاف الشربات
وماشربشى
ومن غير ذنب قام سابنى
ولا قلى حاجى تانى.........
طلع كذاب وانانى .....
وقلبه خراب.........
شوفته نسر فى سربه
وشافنى غراب..........
.خدتنى امى اشوف البخت ليه مايل
واضحك ع الزمن مره
ومليون..مره اتحايل ..
رميت اترى ..لعرافه
قالولى صحابى ..دى خرافه
عيون الناس ..دى شوافه
وديما الخطاوى ..نصيب..
رمالى الحزن وكسرنى
وانا اللى كنت بفتكره
حيبقى حبيب...........
وثقتى بنفسى ..موتها
وضحكه فى قلبى سكتها
وقال يا نصيب.........
وغيره كتيررموا شباكهم..
وبرضه سبونى من غير
ما يقدموا الاسباب...
سبولى فى سمايا ..سحاب
والاحلام لقتها ثراب....
زرعت الحلم ولا نبتشى على بابى
ولادق النصيب ع الباب
ورحت يجى لميت عراف
شاف بختى وقلى بخاف..
اهل الشر عملولك ياحلوه
عمل..................
دخت ودمعتى فرت بدون جنحات
سكت صوتى واتكلم انا قلبى
وطلعت من حروفه .اهات..
لقيت البخت فى الفنجان
بطعم قهوته الساده .............
الوانى الدنيا اللى حبتها بقت
عندى حاجات
ساده..................
حاجات مالهاشى ..ولا عازه
بقيت غرقانه فى دموعى
ونفسى حاضره فى جنازه
بعلق نفسى فى قشايه
فى وسط الموج....
واعدل فى الطريق اللى
بات معوج................
وارسم ضحكه دهبانه
وازوق انا شفايفها
بقلم الروج
...........................................................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.