اغنيه ولا وزن ولا بحر ولا قانون الا قانون الحلوين
--------
غدار يابحر
-------
يابحر فيك البدع
وفيك كمان السحر
انا قلبي يوم ماوقع
طول عمره عايش حر
طليتي ياموجه
ومعاكي مرماره
من بعد طول حوجه
فاتتني ياخساره
نزلت دموعي بقع
وطب قلبي وقع
غدار يا موج البحر
يابو الغنا مواويل
قلبي أما طال البر
حلف مايسهر ليل
ولا يوم علي شطك
يقعد يلاغي جميل
ولا عطور وردك
ف يوم تداوي عليل
----
ياحلاوة القد عل الكورنيش
إنبى ياجميل امشى بشويش
الهوا مواويل والروح بتميل
انا قلبى الدايب بقى درويش
إنبى ياجميل إمشى بشويش
--
بين موجه وشط
النورس حط
ووليفه حط قصاد عبينى
انا تهت ودوخت
وزعلت فرحت
كام يوم ماقابلت اللى كاوينى
----
وانا نفسى اعيش
لو حالبس خيش
واعيش درويش
اوحتى ما اعيش
دى النظره بعينه حاتحيينى
----
انبى ياجميل إمشى بشويش
--------
يسرى عثمان
الاُدباتى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.