اضحك علي كل
اللي يجيك م الدنيا
اضحك كمان من القلب
اضحك دي بنت 60 فانية
اضحك ساعة الغُلب
حبة وجع ..
حبة زعل ..
وايه يعني تكون زعلان
طب ما تزعل
لولا الحزن ماكان انسان
اوعي تكشر
مهما جرالك
واكتب شعر بلون احزانك
واوصف شكلك
مع احوالك
وارشق سهمك
ف قلب مواجعك
واحجب دمعك
جوا مدامعك
واسدل سمعك
ع الألم
واصنع نغم يشجي
قلوب الحيرانين
دامت لمين ؟
الدنيا ساعة وفضها
يا خيبتها ياغلبها
اللي نفسه تخضع لها
وارسم دواير مشبكة
بينك وبين كل البشر
الحلم ما كانش يوم مستحيل
انك تبوس خد القمر
ابن حضن الشمس
اللي سابها وراح للسهر
ام الغلابة البردانين
الشقيانين ف الغيطان
دعوة لربك هز المكان
تفتح بيبان
للفجر اللي طالع
ف عز الأوان
ف عفوك و سترك
انا طامع . كمان
مادام قلوب بعض
البشر
صبحت حجر
دا حتي الحجر
فيه النفيس
المعتبر
وساعة الخطر
اسقي الارض
بصوت غناك
مين يمنعك
هتطرح شجر
ساعة مناك
وهيتبعك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.