انا مش هزعل
ولا هتأثر
ان حروفي شعر
مكسر
لو مش عاجبك
تعالي اتفضل
انقد أُعصر
وكمان أُنشر
هي مشاعر
جات ف خواطر
طالبةالبوح
لا عندي ميزان
ولا اركان
عندي جروح
رايدة تطيب
اصل القول
دوا للروح
انا لا انا شاعر
ولا زجال
انا قوال
يحكي هواه
بصوت مبحوح
ف وسط الرمله
عملت العملة
بنيتهاا صروح
تيجي وتروح
ويا الهبه
لحد الحبه
مابقت قبه
بكت بالنوح
بضحك كما الاطفال
ف بحوري
ولو لأ ف توصيفكم
ف ميزاني
كل شئ مسموح
بتمشي ف سطر
وبتنط وتركب
قطر
وتدحرج من
فوق سطوح
اناااااا بكتب لا عايز
مال 💰
ولا بحلم
اكون مشهور
كاره .. لكل ظلام
وشفت الظلم
عايش ف النور
وبتعصب من التهليل
وبنات الليل بتتشدق
بفتوي الزور
برتب م الكلام شوفي
ومن خوفي
بقووم مزعور
سطوري زي ما انا عايز
ولو عايز كلام في ديوان
تلقاها ف مكتبات
بالدور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.