قطرة مطر ..
نزلت علي جبيني
صحت مواجع معضلة
والمسألة فاقت
دموعي المهملة
شقت وريدي م النخاع
والمشكلة
صحت صراع
مين اللي باع
ومين اشتري الباقي
مني ومن سنيني
قطرة مطر ..
كنتي
ولا طلقة رصاص
رصاصة ندم
ولا رصاصة خلاص
صابت كيان من الإزاز
خلت الروح متبعترة
متفتته
بدون برواز
قطرة مطر ..
صحت هموم
كل البشر
فكرتني بالغباء
ليه انتشر
ورغم الحذر
طايلك منه
اكيد أثر
قطرة مطر ..
عبرت جدار الزمن
وآه يا وطن
وحب البرد
مبدور علي ارضك
لازق ف القفا
شبيه ضلي
بزيادة رطوبة
يا طوبة
ماعادش دم فاضلي
جسم الغلابة نشف
من الصقيع والبرد
كداب اللي قال
جوك
ربيع علي ورد
والله يسامحك
ياشيخ علي كدبك
دا للي فاق الحد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.