سكه رجوع
...................
وفضلت أسأل في الليالي ..
ليه غرامي ما أكتمل
وانا اللي بسهر بشكي حاللي
للنجوم عندي أمل
تكون يا قلبي ما روحتلوش
دقك نسى ولا سمعوش
إزاي يا قلبي ما شغلتهوش
ولا حس بيك ولا شوفتهوش
طب راح ده فين
ده اللي مدوبني
خدني هواه على شطه سابني
لا قدرت أعرف فين طريقي
وتعا يا حلم عشان يجيني
جوايا شوق سهر عيوني
والقلب دقه ما نيموني
لا أرتحت من ناري لغيابه
والفكر خدني لحد بابه
بستنا نسمه تناديهولي
وأبعت له همسه تشوفه عيني
جيرانه قالوا دي صبيه
هواها جابها لسكه تانيه
مسكينه حظك ليه قليل
ودق قلبك مش دليل
اللي في غرامه سهرتي ليل
اليوم زفافه لوحده تانيه
سبقيتني عيني بالدموع
وأداري وجعي في الضلوع
وجربت أعاتب في النجوم
دليني فين سكه رجوع
سكه أمل حياتها الرجوع
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.