اكرام الضيف
***********
اكرام الضيف
يطول العمر
ويدخل الجنة
من اوسع ابوابها
ولو برغيف وحبة ملح
وحزمةجرجير مربرطة
ومقابلة حلوة صح الصح
وباسمةجميلة بوجوه بشوشة
يبقي عملنا اللي علينا
والباقي كله علي الله
*****************
اكرام الضيف
يطول العمر
ويدخل الجنة
من اوسع ابوابها
ده الجوده من الموجوده
ولقمة هنية بتكفي ميه
ياعيشة دايما مستورة
بفضل الله وحسن النية
بنفرح بقدوم ضيوفنا
ونغني خليها علي الله
*******************
اكرام الضيف
يطول العمر
ويدخل الجنة
من اوسع ابوابها
ياسلام لو ضيف جالنا
الطبلية تبقي مرصوصة
ورب العباد بيسترنا
علشان النية معقودة
علي اكرام ضيوفنا
بالحب توكلنا علي الله
*****************
اكرام الضيف
يطول العمر
ويدخل الجنة
من اوسع ابوابها
ولوكان الاكل علي القد
نطفي النور ونقول قطع
ونحط الاكل قدامهم
والضيوف تاكل وبشبع
ده الكرم من صفاتنا
والرزق دايما علي الله
*******************
اكرام الضيف
يطول العمر
ويدخل الجنة
من اوسع ابوابها
الاب يطلع اللي عنده
حتي ولو كان ع الحديدة
والام مطاوعة ومهاودة
وايدها في الكرم مخرومة
يعني البخل مالوش مكان
ده الخير من عند الله
*******************
اكرام الضيف
يطول العمر
ويدخل الجنة
من اوسع ابوابها
ست البيت بتعمل الواجب
حتي ولو مش في الامكان
وتزنق علي ايدها في الغالب
وتداري علي جوزها الغلبان
ولا تخجل ولا تبينشي
وديه حكمة من عند الله
********************
بسيوني صديق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.