1
سنين العمر بتتسرق مني
وانا تايه ف دنيا الشوق
عايش بهواك لكن
يوماتي اقوم مخنوق
القاك مش هنا جنبي
قريب مني
وبعيد قوي عني
دنيتي بعدك ماليها الغيم
والحلم بقي يدوب
لحظة شروق
…………
بحرق ف دخان سجايري
وكأن الروح طالعه معاه
والقلم من كتر الالم
مرعوش علي ايديا
تاه
وسط السنين
والحنين
مش عارف يكتب
عن حب زمان دُقناه
ولقيناه
جاي وسط زحمة الحياه
موجوع مالياه الجراح
جاي بيسأل علي اللي راح
ليه مكملناش
حلم زمان عشناه
ليه ضاقت علينا
الدنيا رغم البراح
ليه كل القصص مابتكملش
ليه كل حلم بين اتنين
ما بيطولش
نفسي اصرخ
والآهة مخنوقة مبتطلعش
ابكي يمكن لو بكيت ارتاح
.. بقلم /محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.