امسك حرامى
سرق أفكاري
وراح يتباهى وسط الناس بأشعاري
مع التعليق
مع الإعجاب
يزيد غيظى تزيد ناري
كلامي ياناس
بنيت له أساس
بإحساسي وإلهامي
وعصر الراس
على الكراس
وصفت فيه أسرارى وأحلامى
وجه هلاس
حرامي نصوص
وقال للناس أنا الباني
صرخت بصوتي أنا العالي
إمسك يا بو علي حرامي
سألني فين دليلك قلت
كلامه كلام واحد تاني
وكل كلمة كتبها
سرقها من ثمري وبستاني
رد وقال أنا حذرته
ومش راح يعمل كدا تاني
قولت إزاي يكون سارق
وحر طليق على الصفحات ولا يبالي
قلت أفر
من طرقات بيحرسها لنا الحاني
وقلت يارب حروفي مسد
للي سرق حرف للتانى
واللى سكت على اللي سرق
مش بعيد يكون سارق كما الجاني
.......وائل سعيد.......
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.