اجري اهربي مني
اوعي ف لحظة تستني
ابعدي عني بالمشوار
انا الغادر
انا الكاسر
انا الأسر
كل البنات
مابين الاسوار
حياتي ليل
ملوهش نهار
بس انا عاشق
وكمان ولهان
ايوه انا خاطي
عشان انسان
وف بعض احيان
تشوفيني ملاك
وجوايا تقولي شيطان
بس اكيد
بقولك اكيد
انا عاشقك
وعمري ماكنت ف يوم
زيك
انتي ملاك
ورده وسط ارضي البور
ابان جامد
ابان صخرة
لكن مكسور
جوايا الالم ساكن
علي فراقك
واقوم راكن
علي جرحي
واتكا عليه لكن
من كتر الالم معصور
مابين طيبتك
وبين شري
فتضطري
تطيبي خاطري
عشان خاطري
سيبيني اموت
ف النور
-------------
بقلم / محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.