شارع الحياة بقلم محفوظ البراموني

شارع الحياة ..

الناس عليه كتيرة ..

و ..

الحكايات فيه مثيرة ..

و ..

الليل أسراره كبيرة ..

و ..

الاحزان و الأفراح وفيرة ..

و ..

القلوب ماشية ب التيلة (1) ..

تعبانة شيالة الأحمال المريرة ..

حكاية وراها القصص العسيرة ..

يا ناس يا مشيين ..

ليه كده زعلانين ..

مع إنكم ب تضحكوا ..

شكل الضحكة أنين ..

لون العيون مسكين ..

نبض القلوب حزين ..

عارف إن الزمن ده حمله تقيل ..

و ..

الأكتاف مش قادرة تشيل ..

معلش يا شارع إستحمل ..

شايل الناس و الناس معاك ب تتبهدل ..

الناس حزينة مش ب تستهبل ..

وسع الطريق ليهم ..

بلاش تكون إنت و الزمن عليهم ..

الناس ع الشارع كتيرة ..

و ..

الحكايات صفحاتها كبيرة ..

و ..

الدموع شلالتها عليلة ..

و ..

الحسرة كسرتها تقيلة ..

يا شارع وسع الطريق خلي الدنيا بقى جميلة ..

(1) ب صعوبة ..

هذيان قلم : 

: محفوظ البراموني :