الفيس
بقلمي عبدالحميد عزت
لو الفيس بيدي شهادات
تقدير ابني هياخد امتياز
الاربعه وعشرين ساعه
قاعد يا ناس علي الجهاز
لا عاد مهتم بدراسته
ولا بيفكر في الجواز
ولما جيت انصحه
قالي يا حاج انتو
جيل لمبه الجاز
لا كان عندكو دردشه ولا
شات ولا تويتر ولا انستجرام
يا دوب كونتو تعرفو التلفاز
طب يا ابني انا خايف علي عينيك
احسن ما تعمل نظاره قزاز
قالي مش هتفرق هنعيش يومين عالنت
انا واحمد ومحمد وصاحبي معاذ
ادخل ونام وما تخافشي
وشوف ازاي هتدفع
فواتير الكهربا والغاز
انا قولت اخدها بقصيرها
بدل الواد ما يعاندني
ويقولي هي فين فلوس الجواز
مانا غصب عني يا ابني
العيشه بقت مره
وانا فاضلي تكه
وانضم لعدم الانحياز
يمكن يلاقولي صرفه
ولا يعملولك باسورد علي الجهاز
بقلمي عبدالحميد عزت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.