يوم ما قلتي هبعد انا
قلت أمين
واحلف يمين
اني هبعد عنك اكتر
اني هفارق حضنك وارحل
وارفض قمرك ييجي ف ليلي
وارفض نجمك يبقا دليلي
هرحل عنك اد ما هقدر
عمر الحب ما كان بمزاج
ابعد حبة
وقرب حبة
عمري ماكنت لغيرك لعبة
مليون بنت ماليه الادراج
شوفي هقولك
عمري ما هقبل
امشي ف ضلك
راجل انا ولا غيري
فاضلك
محسن انا ادي المحتاج
يوم حفظوني جدول ضرب
يوم علموني معني الحب
قالوا انت راجل دوس ع القلب
ما تكون لواحدة ف يوم معراج
اسمعي مني ياست البنات
مهزوزة فيكي الامنيات
حبك ليا ساعات وساعات
قلبك واهم
دايما فاهم
حبي ليكي كأنه علاج
تاخديه مرة
وتنسيه مره
واهو بالمرة
اداريه ساعة ما احتاج
انا يا حبيبتي كحلة لعينك
وقلبي محراب للصادقين
كعبة تحجي مرة ف دينك
درب ف اخره ليكي سراج
عمري ما هندم اني فارقتك
لكن بلعن يوم ما عشقتك
بس اطمني
اصلي كرهتك
اد البحر مافيه امواج
بقلم/ محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.