اصحى وفوق
لسه فاكرهم بيحبوك
ولا حنينين حنية امك
ولا بيخافو عليك زى ابوك
دول خلاص مشيو و سابوك
واللى كنت فاكرهم احبابك
من غير تمن ياخالى باعوك
علشان مصالحهم مشيو
ولا افتكرو حتى يودعوك
المال يا خال له ناس
تتلم عليه زى النمل وتميل
ولو يوم يروح مالك
ما تلاقى منهم رد لجميل
كنت دايما تمد ليهم ايدك
تسحب من دمك ليهم وتدى
ولا كنت حاسب الايام بتجرى
كبرت وعدت سنينك بدرى
ضاع شبابك وبقيت شيخان
وتايه وسط دنيا كدابه
ماعرفت مين اللى باعك
ولا حسيت بمرارة اللى خان
كنت فارد ليهم حضنك قلوع
واول ماشد عليك الريح
والقلع نشف حباله عليك
مالقيت منهم حد حواليك
بقيت لوحدك انت وبس
ولا حد شاف ولا حس
الدنيا على طول قلابه
لكن هيجى يوم وتعدل
مسيرها ياخالى تروق
وبكره الميزان يعدل
الشاعر /عزالدين جبريل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.