حقك تغضب
************
حقك تغضب.... بس اتأني
واصبر حبه...وحبه استني
بكره الفرح يعود من تاني
وكف ايديك.هيشوف الحنه
حقك تغضب.... . لما تخاف
ويشيل كتفك هوديه وناف
بس الساقيه.. دى لما تدور
مش هتدوق م الدنيا جفاف
حقك تغضب...... ايوه معاك
وانا والله......... حزين وياك
بس بحبة .......صبر هتوصل
وتشوف بلدك ...دى حضناك
وعشان خاطر.... مصر بلدنا
هي حياتنا ....وقوتنا وزادنا
راح نستحمل ...كل ظروفها
وهنبنيها .............مع أولادنا
غيرك ضحي.. بدمه عشانها
لجل بلدنا........ تعود لمكانها
واحنا عشانها....هنصبر حبه
لجل نشوفها ........زى الجنه
اصبر حبه .....وبكره تروق
والمرجيحه .....هتطلع فوق
مهما الدنيا ....ها تخنق فينا
بكره نفك....... حبال الطوق
مهما الليل هيطول هيزول
واللي اتمني.... بكره ينول
اوعي تشمت ...فينا عزول
وللا تشمت ...فيك مخلوق
ربك قادر ........يصلح حالنا
ويطمنا ........بفرح ف دارنا
ويقيد لينا.... الهوي قنادلنا
ويغني لنا..... بحب وشوق
بكره الدنيا ....هتضحك لينا
ويفيض خيرها ...بكره علينا
د اللي خلقنا... ما هو ناسينا
وازاي ينسي...دموع مخنوق
قضي الفرض وقضي السنه
واحلم يلقي.... الكف الحنه
وان حبيت ف الكون تتهني
اعبد خالق ......مش مخلوق
*************************
رضا ابو الغيط
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.