أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الثلاثاء، 22 أغسطس 2017

مش راح انسى بقلم الشاعر عصام إمام

مش راح انسى
..................

بتقوليلي
انسى حبك
ازاي انسى ؟
ليه ما علمتيني 
اقسى
انسي همسك 
ولا حضنك
انسى سحرك
ولا حسنك
ولا حب بيفضحه 
نظرة عينيكي

انسى ايه ... 
ولا ايه ولا ايه
انسى حلم عشت فيه
حلم كنت باحلمه .. 
وتكمليه
انسى حضن 
لما اخاف اجري عليه
يحتويني
يحس بيا 
واحس بيه
والليالي بينا كانت 
شال حرير 
بابتسامتك تغزليه
والكلام الحلو 
كان بيزيد حلاوه
لما تقوليه

انسى يوم ما 
كنتي جنبي
دق قلبك 
جوه قلبي
والقمر كان مستخبي
والنجوم تفتن عليه

انسى احساس بالامان
ولا نظرة الحنان
بيها طاب جرح الزمان
وانطوت صفحة همومي

ياما قولتي 
مش راح ابعد
مهما حب زمنا يعند
هابقى جنبك 
ايوه ب اوعد
ليه نسيتي 
اليوم وعودك
قولي فين 
راحت عهودك
يالي كنتي في
في توهتي مرسى
اعذريني
مش راح انسى

عصام إمام
6/8
2017

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.