أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الأحد، 27 أغسطس 2017

حبيت أربعة سوابقلم الشاعر مرقص اقلاديوس



حبيت أربعة سوا
فجر و ضحى و شمس و ليالى.
و لما نويت أغنيلهم
احترت أبتدى بمين فيهم.
و بصيت عليهم
لقيت كلهم الجمال ماليهم .
و عشان ماشوفش
الدمع فى عينيهم.
قلت أغنيلهم بالترتيب.
بصيت على فجر
لقيتها مستحية 
و فى عينيها عتب.
قالتلى هتبتدى بيا.
قلتلها كنت فاكر ده يفرحك.
قالتلى
اللى يغنيلى
لازم تكون عينيه سهرانة مستنية.
تعد النجوم طول الليل.
و الليل طويل.
و تصحى الشوق ماليها
و الشوق جميل.
بصيت على ضحى.
قلتلها فجر مش غاوية غناوى
و انتى ايه رأيك يا قمر.
قالتلى يا حبيبى
أنا مش قمر
أنا قدر.
و القدر يغلب الكل.
و أنا طبعى يا حبيبى
يا أنا يا الكل.
بصيت على شمس
لقيتها زعلانة.
قلتلها 
مالك يا موزعة النور على الخلق.
مالك يا جميلة يا جميلة بحق.
قالتلى.
طول عمركو يا شعرا
بتغنوا لليل ما بتغنوش للنهار.
اشمعنا
دلوقتى جاى تصاحبنى
و تكتب عنى أشعار.
بصيت على ليالى 
لقيتها بتضحك و فرحانة.
جيت أبتدى الكلام
ابتدت هيا الكلام.
قالتلى و الفرحة فى وشها تنطق.
أنا اللى بقيالك.
قول يا حبيبى،
قول ما بدالك.
ده عشان تغنيلى أنا.
ربنا ادالك
انك تنطق.
الشاعر العجوز
مرقص اقلاديوس

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.