...... يا الطير الهايم ...عامية....
يا الطير الهايم
گولي واش هاذ الجو دايم
انت سرحان ف السما عايم
اسمع مني غي زوج اكلايم
اعلاش خليتني انبانصي وحدي
آش هاذ لخدايم.....؟؟؟
يا الطير الهايم
گولي واش هاذ الجو دايم
انت سرحان فالسما عايم
اعلاش ابنادم كلو انقايم
مفراسو غي لحرايم
على الصدق والعفة صايم
مول الحق على حقو نايم
أو مول البهتان اعليكم قايم
ابنادم صيفتو كي لحمايم
أو افعالو ابحال لبهايم
حبو ف الدنيا غي لولايم
وافعالو كلها اعظايم
يا الطير الهايم
گولي واش هاذ الجو دايم
اعلاش منديرو لبنادم لكمايم
وانعلقولو شي اتمايم
على الله إبعد على لحرايم
راه المشتى ولات اصمايم
بفضل ما درنا من اجرايم
يا الطير الهايم...
گولي واش هاذ الجو دايم
جاوبني را ه قلبي كله اسقايم
محمد مهداوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.